Anak ka ng Hostess-2

Ikalawang kabanata.

Oooyy, anak ka ng hostess at iniwan ng ama. Sino ba talaga ang tatay mo? Iyan ang madalas na marinig ko sa mga kalaro kong bata.Madalas ay nasasapok ko si Utoy na hari ng pintasero kahit matanda siya sa akin ng dalawang taon,pero mas malaki at malakas ako kesa sa kanya. “Lampa ka pala Utoy” ang madalas kung kantiyaw sa kanya kapag nasasaktan siya at humahagulgol ng iyak pati paa kumakaykay sa lupa.”Sumbong kita sa nanay ko” sabay uwi ng bahay ang kawawang lampa.

Mabait naman si Utoy na bunsong anak sa labing apat na naging supling nina Mang Karding at Teri. Malakas talaga ang hatak ng libog ni Mang Karding kahit na patpatin si aling Teri na kadalasan ay may subong tabakong kulay itim at nasa loob ng bunganga niya ang nakasindi at sabay dura naman ng nakakadiri kapag hugutin na niya ang sinisigarilyo.Kapag may padasal sa amin na anibersario ng pagkamatay ng tiyahin ko na nakababatang kapatid ni nanay lahat ng angkan nila ay pumupunta kulang na lang ang pusa dahil nakabuntot din ang maitim nilang asong kalye na galisin.Napakain daw ng mongo kaya ginalis ang sabi ni Corazon na sinundan ni Utoy.Naghihikahos sila sa buhay dahil nangangahoy lang sa bundok ang pinagkakakitaan ni Mang Karding kasama ang apat na anak niyang lalaki na hindi nakagraduate ng elementary.Kung kaya na siguro ni Utoy na umayat sa parang ng bundok baka isinaman na rin sa pangangahoy.Hindi pa kaya ni Utoy.Ang kamisita nga niya na halos dalawang lingo bago palitan ay puno ng pinatuyong uhog sa magkabilang balikat at niluluga pa ang taenga.Dumidistansya ako kapag lumalapit siya dahil nahihilo ako sa baho kahit bagong paligo pa siya sa ilog.Kaya madalas niya akong asarin na anak ng hostess dahil ayaw kong makipaglaro sa kanya.

Gusto kung makalaro si Baste,kaso pinagbabawalan siya ng kanyang ina na pupunta sa bahay namin dahil nakagalit ni lolo Pendoy ang tatay niyang mayabang.Sinita ni Lolo si Badong dahil nanunungkit siya ng bunga ng mangga ng hindi nagpapaalam.Pati alagang manok ni Lolo na nag tresspassing sa bakuran nila ay aangkinin na nila.Kapag nakaamoy na si Lolo ng ginigisang bawang nalulungkot at nagagalit na siya dahil hindi na babalik si bulik at kanaway.May hitsura si Baste mabuti na lang at hindi nakuha ang kapangitang hitsura ng ama na bukod sa saksakan ng itim ay makapal pang masyado ang labi.Gusto ko sanang makalaro si Baste dahil lagi siyang pinapalo ng kinayas na kawayan ni Badong.Hindi naman magawang ipagtangol ni Tasing dahil baka pati siya ay mapalo.Ayun sa kuwento ni Lola bakit ganoon na lang kung parusahan ni Badong si Baste,dahil ang pinangalingan niyang similya ay sa matandang binata sa karatig barrio na walang asawa.Binilhan daw ng bistida at tsinelas at kaunting kuarta kaya nalaglag ang panty ni Tasing at sinubuan ng saging na saba.Kitang-kita naman talaga ang ebendensya na may kaputian ang kulay ng balat ni Baste kahit hindi na gamitan ng Tide at clorox.

Itutuloy sa susunod na kabanata.